Հոդված 2. Կոնվենցիայի բնորոշումը և կիրառական դաշտը
Հոդված 2. Կոնվենցիայի բնորոշումը և կիրառական դաշտը
1. Սույն Կոնվենցիայի շրջանակներում`
ա) «Դոպինգ սպորտում» ասելով ենթադրվում է մարզիկների կամ մարզուհիների կողմից դոպինգների դասին պատկանող դեղամիջոցների կամ դոպինգ մեթոդների կիրառում.
բ) «Դոպինգ դասի դեղամիջոցներ և դոպինգ մեթոդներ» նշանակում է, համաձայն ներքոնշյալ 2-րդ կետի, այն դեղամիջոցներն ու մեթոդները, որոնք արգելվում են համապատասխան միջազգային մարզական կազմակերպությունների կողմից, և որոնք առկա են մոնիտորինգային խմբի 11.1 «բ» հոդվածի պայմանների համաձայն հաստատված ցուցակում.
գ) «Մարզիկ» և «մարզուհի» նշանակում են այն անձինք, որոնք կանոնավոր կերպով մասնակցում են կազմակերպված մարզական միջոցառումներին:
2. Մինչև դոպինգ դասի արգելված դեղամիջոցների և դոպինգ մեթոդների ցուցակը չհաստատվի մոնիտորինգային խմբի կողմից, համաձայն 11.1 «բ» հոդվածի պայմանների, պետք է կիրառվի սույն Կոնվենցիայի հավելվածի տեղեկատու ցուցակը: