Հոդված 21. Մաքսատուրքեր գանձելը և վերադարձնելը, պատասխանատվությունը դրանք չվճարելու համար

Հոդված 21. Մաքսատուրքեր գանձելը և վերադարձնելը, պատասխանատվությունը դրանք չվճարելու համար

1. Ավել գանձված մաքսատուրքի գումարներն ապրանքների տիրոջ պահանջով ենթակա են վերադարձման` դրանց վճարումից հետո երեք տարվա ընթացքում:

2. Սույն օրենքով և մաքսային օրենսդրությամբ սահմանված կարգով հաշվարկվածից ավելի վճարված մաքսատուրքի գումարները մաքսային մարմինների կողմից հաշվանցվում են մաքսային մարմիններին վճարման ենթակա այլ պարտավորությունների հաշվին կամ վերադարձվում են ոչ ուշ, քան այդ մասին վճարողի դիմումը ստանալուց հետո` 30 օրվա ընթացքում:

3. Հետաձգման կամ մաս-մաս վճարման հնարավորություն ընձեռող ժամկետներում մաքսատուրքի չվճարման հետևանքով թերի գանձված գումարները մաքսային մարմինների կողմից բռնագանձվում են դատական կարգով:

4. Ապրանքների տիրոջ մեղքով չվճարված մաքսատուրքի գումարը մաքսային մարմինների կողմից գանձվում է դրա վճարման պարտավորության առաջացման պահից` մեկ տարվա ընթացքում:

5. Մաքսատուրքի վճարումը սահմանված ժամկետներից ուշացնելու դեպքում ժամկետանց յուրաքանչյուր օրվա համար վճարողից գանձվում է տույժ` ժամանակին չմուծված մաքսատուրքի գումարի 0,2 տոկոսի չափով: