Հոդված 7. Բնակչության պետական ռեգիստրի տվյալների կազմը և բնակչության պետական ռեգիստրի հետ փոխկապակցված լրացուցիչ տեղեկությունները

Հոդված 7. Բնակչության պետական ռեգիստրի տվյալների կազմը և բնակչության պետական ռեգիստրի հետ փոխկապակցված լրացուցիչ տեղեկությունները

1. Բնակչության պետական ռեգիստրի տվյալների կազմը բաղկացած է հետևյալ տվյալներից.

1) անձնական.

2) բնակության վերաբերյալ.

3) իրավական կարգավիճակի վերաբերյալ.

4) ազգության վերաբերյալ.

5) անձանց իրավական վիճակը բնութագրող գործողությունների կամ դեպքերի, այդ թվում՝ խնամակալության և հոգաբարձության սահմանման վերաբերյալ:

2. Բնակչության պետական ռեգիստրը տվյալների փոխանակման շերտի միջոցով կապված է նաև այլ տվյալների շտեմարանների հետ, որի միջոցով տվյալ շտեմարաններից ստանում է հետևյալ լրացուցիչ տեղեկությունները.

1) անձի՝ զինվորական հաշվառման վերցված լինելու, պարտադիր զինվորական ծառայության զորակոչված լինելու, պարտադիր զինվորական ծառայության զորակոչից տարկետում ստացած լինելու, պահեստազորում հաշվառված լինելու, օրենքով սահմանված կարգով բժշկական վերափորձաքննության ենթակա լինելու և պահեստազորային պատրաստության շրջանակներում իրականացվող միջոցառումներին ենթակա լինելու վերաբերյալ.

2) պետական սահմանի հատման վերաբերյալ.

3) անձը հաստատող փաստաթղթերի վերաբերյալ.

4) անձի կենսաչափական տվյալների վերաբերյալ.

5) բնակչության պետական ռեգիստր ներկայացվող տվյալները հաստատող փաստաթղթերի վերաբերյալ.

6) Կառավարության որոշմամբ սահմանված դեպքում՝ այլ տվյալների վերաբերյալ: