Հոդված 8. Չափումների կատարման մեթոդիկային (մեթոդին) ներկայացվող պահանջները

Հոդված 8. Չափումների կատարման մեթոդիկային (մեթոդին) ներկայացվող պահանջները

(վերնագիրը փոփ. 13.11.25 ՀՕ-374-Ն)

1. Չափման մեթոդիկան (մեթոդը) ներառում է չափումների կատարման նախապատրաստման կանոնները, չափման գործընթացը, տեխնիկական միջոցները, ինչպես նաև չափման արդյունքի մշակման և հաշվարկման կարգը:

2. Օրենսդրական չափագիտության տարածման ոլորտներում կիրառվող չափումների կատարման մեթոդիկաները ենթակա են չափագիտական վկայագրման, եթե միջազգայնորեն ճանաչված չեն:

3. Չափման մեթոդիկան (մեթոդը), այդ թվում՝ ռեֆերենս մեթոդիկան (մեթոդը), հատուկ նկարագրված գործողությունների ամբողջություն է, որի իրականացումն ապահովում է չափման արդյունքների ստացումը ճշգրտության սահմանված ցուցանիշներով:

(8-րդ հոդվածը փոփ. 17.12.14 ՀՕ-235-Ն, փոփ., խմբ., լրաց. 13.11.25 ՀՕ-374-Ն)