Հոդված 43. Քննչական կոմիտեում ինքնավար պաշտոն զբաղեցնող անձի այլ սոցիալական երաշխիքները

Հոդված 43. Քննչական կոմիտեում ինքնավար պաշտոն զբաղեցնող անձի այլ սոցիալական երաշխիքները

(վերնագիրը փոփ. 09.12.20 ՀՕ-494-Ն)

1. Պետությունը քննչական կոմիտեում ինքնավար պաշտոն զբաղեցնող անձի համար երաշխավորում է՝

1) պարտականությունների կատարման համար անվտանգ և անհրաժեշտ աշխատանքային պայմաններ.

2) ամենամյա վճարովի արձակուրդ.

3) վերապատրաստում` այդ ընթացքում պահպանելով նրա պաշտոնը և դրա համար նախատեսված վարձատրությունը.

4) պարտականությունները կատարելիս հաշմանդամություն ունեցող անձ ճանաչվելու դեպքում նրան, իսկ զոհվելու դեպքում նրա ընտանիքի անդամներին Հայաստանի Հանրապետության օրենսդրությամբ սահմանված կարգով համապատասխան վճարով ապահովում.

5) մշտական բնակության վայրից դուրս գործուղվելիս օրենսդրությամբ սահմանված չափերով և կարգով գործուղման ծախսերի փոխհատուցում:

(43-րդ հոդվածը փոփ. 09.12.20 ՀՕ-494-Ն, 07.02.24 ՀՕ-77-Ն)

(09.12.20 ՀՕ-494-Ն օրենքն ունի անցումային դրույթ)

(Օրենքում գործածվող՝ պարտականությունները կատարելիս կամ դրանք կատարելու առնչությամբ ստացած վնասվածքի պատճառով աշխատանքային գործունեությամբ զբաղվելու կարողության 3-րդ աստիճանի սահմանափակումով հաշմանդամություն ունեցող անձի դեպքում սահմանված դրույթների գործողությունները տարածվում են նաև մինչև 2023 թվականի դեկտեմբերի 31-ը պարտականությունները կատարելիս կամ դրանք կատարելու առնչությամբ ստացած խեղման պատճառով աշխատանքային գործունեությամբ զբաղվելու կարողության 3-րդ աստիճանի սահմանափակումով հաշմանդամություն ունեցող անձի վրա` համաձայն 07.02.24 ՀՕ-77-Ն օրենքի 4-րդ հոդվածի)