Հոդված 4. E-ճանապարհային միջազգային ցանցի ճանապարհների գծանշումը

Հոդված 4. E-ճանապարհային միջազգային ցանցի ճանապարհների գծանշումը

1. E-ճանապարհային միջազգային ցանցի ճանապարհները սահմանվում և գծանշվում են սույն Համաձայնագրի 3-րդ հավելվածում նկարագրված ճանապարհային նշանով:

2. E-ճանապարհների նշանակման համար օգտագործվող բոլոր նշանները, որոնք չեն համապատասխանում սույն Համաձայնագրի և նրա հավելվածների դրույթներին, հեռացվում են երեք տարվա ընթացքում` սկսած շահագրգիռ պետության համար սույն Համաձայնագրի ուժի մեջ մտնելու օրվանից, 6-րդ հոդվածի դրույթների համաձայն:

3. Սույն Համաձայնագրի 3-րդ հավելվածում նկարագրվածին համապատասխանող նոր ճանապարհային նշանները տեղադրվում են E-ճանապարհային միջազգային ցանցի բոլոր ճանապարհներին, չորս տարվա ընթացքում` սկսած շահագրգիռ պետության համար սույն Համաձայնագրի ուժի մեջ մտնելու օրվանից, 6-րդ հոդվածի դրույթների համաձայն:

4. Սույն հոդվածի դրույթները ենթակա չեն սահմանափակումների, որոնք կարող են բխել սույն Համաձայնագրի 1-ին հոդվածում հիշատակված ազգային ծրագրերից: