Հոդված 35. Միջնորդ դատարանի վճռի բովանդակությանն առաջադրվող պահանջները

Հոդված 35. Միջնորդ դատարանի վճռի բովանդակությանն առաջադրվող պահանջները

Միջնորդ դատարանի վճռում նշվում են`

1) վճռի կայացման տարին, ամիսը, ամսաթիվը և վայրը.

2) միջնորդ դատարանի կազմը.

3) կողմերի միջնորդ համաձայնությունը, որի հիման վրա գործել է միջնորդ դատարանը.

4) կողմերի անունը (անվանումը) և հասցեն.

5) վեճի էության համառոտ շարադրանքը.

6) միջնորդ դատարանի կողմից պարզված գործի հանգամանքները.

7) ապացույցները, որոնց վրա հիմնված են միջնորդ դատարանի հետևությունները.

8) այն օրենքները և այլ իրավական ակտերը, որոնցով ղեկավարվել է միջնորդ դատարանը վճիռ կայացնելիս.

9) հայցվորի պահանջները բավարարելու կամ մերժելու մասին միջնորդ դատարանի եզրահանգումները.

10) միջնորդ դատավարության ծախսերը, դրանց բաշխումը կողմերի միջև.

11) վճռի կատարման ժամկետը և կարգը: