Հոդված 15. Երևան քաղաքի համայնքի (համայնքների) դատախազությունը

Հոդված 15. Երևան քաղաքի համայնքի (համայնքների) դատախազությունը

1. Երևան քաղաքի համայնքի (համայնքների) դատախազությունը համայնքում (համայնքներում) ապահովում է Սահմանադրության 103-րդ հոդվածով նախատեսված լիազորությունների իրականացումն այնքանով, որքանով դրանց իրականացումը չի վերապահված Երևան քաղաքի դատախազությանը կամ զինվորական դատախազությանը:

2. Երևան քաղաքի համայնքի (համայնքների) դատախազությունը կազմված է Երևան քաղաքի համայնքի (համայնքների) դատախազից, նրա տեղակալից, Երևան քաղաքի համայնքի (համայնքների) դատախազության ավագ դատախազներից և դատախազներից:

3. Երևան քաղաքի համայնքի (համայնքների) դատախազության նստավայրը գտնվում է համապատասխան համայնքում (համայնքներից որևիցե մեկում):