Հոդված 10. Հասարակական կազմակերպության բարձրագույն մարմինը

Հոդված 10. Հասարակական կազմակերպության բարձրագույն մարմինը

Հասարակական կազմակերպության բարձրագույն մարմինը համագումարը (համաժողովը) կամ ընդհանուր ժողովն է, որն ունի հասարակական կազմակերպության կառավարման և գործունեության ցանկացած հարցի վերջնական լուծման իրավունք:

Հասարակական կազմակերպության բարձրագույն մարմինը հրավիրվում է ոչ ուշ, քան հինգ տարին մեկ անգամ:

Հասարակական կազմակերպության բարձրագույն մարմինը կարող է որոշումներ ընդունել, եթե նրան մասնակցում են անդամների (պատվիրակների) առնվազն կեսից ավելին:

Հասարակական կազմակերպության բարձրագույն մարմնի բացառիկ իրավասությունն է`

1) կանոնադրության ընդունումը և փոփոխումը.

2) ղեկավար և վերահսկողություն իրականացնող մարմինների ընտրությունը.

3) վերակազմակերպման մասին որոշման ընդունումը.

4) լուծարման մասին որոշման ընդունումը:

(10-րդ հոդվածը փոփ. 25.10.99 ՀՕ-17)