Հոդված 35. Գրավատուի պարտականությունները իրավունքների գրավի դեպքում

Հոդված 35. Գրավատուի պարտականությունները իրավունքների գրավի դեպքում

Իրավունքների գրավի դեպքում, եթե պայմանագրով կամ օրենքով այլ բան չի նախատեսված, գրավատուն պարտավոր է`

1) կատարել բոլոր այն գործողությունները, որոնք անհրաժեշտ են գրավ դրված իրավունքի վավերականությունը ապահովելու համար.

2) երրորդ անձի չզիջել գրավ դրված իրավունքը.

3) չկատարել գրավ դրված իրավունքի դադարեցմանը կամ դրա գնահատված արժեքի նվազեցմանը հանգեցնող գործողություններ.

4) ձեռնարկել բոլոր միջոցները, որոնք անհրաժեշտ են գրավ դրված իրավունքը երրորդ անձանց ոտնձգություններից պաշտպանելու համար.

5) գրավ դրված իրավունքի բովանդակության փոփոխությունների և երրորդ անձանց կողմից այդ իրավունքի նկատմամբ ունեցած պահանջների վերաբերյալ անհապաղ հայտնել գրավառուին:

Սույն հոդվածի առաջին կետով նախատեսված պարտականությունը փոխանցվում է նաև գրավատուի իրավահաջորդին: