Հոդված 53. Արտոնագիր (լիցենզիա) տալը
Հոդված 53. Արտոնագիր (լիցենզիա) տալը
Արտոնագրատիրոջ իրավունք ստացած իրավաբանական անձին Ազգային հանձնաժողովն արտոնագիր (լիցենզիա) է տալիս համապատասխան մուծումներ կատարելուց հետո` տասնօրյա ժամկետում:
Հեռուստառադիոհաղորդումների արտադրության արտոնագրման (լիցենզավորման) համար սահմանվում է վճարի միասնական չափ:
Հեռուստառադիոհաղորդումների հեռարձակման կամ արտադրության և հեռարձակման համար արտոնագրային (լիցենզային) վճարի չափը կախված է հաղորդչի հզորությունից և սփռման հնարավոր տարածքից: Արտոնագրային (լիցենզային) վճարը սահմանում է հանձնաժողովը. դա չի կարող լինել ավելի, քան սահմանված նվազագույն (հաշվարկային) աշխատավարձի հազարապատիկը:
Հեռարձակման հաճախությունն օգտագործելու համար արտոնագրատերը մուծում է տարեկան եթերավճար, որի չափը հաշվարկվում է` ելնելով միայն հաճախության սպասարկման համար անհրաժեշտ ծախսերից: