Սա այս հոդվածի նախկին խմբագրությունն է՝ գործել է 2004-06-26-ից մինչև 2004-07-31։Բացել գործող տեքստը

Գլուխ 63 · ՀԵՂԻՆԱԿԱՅԻՆ ԻՐԱՎՈՒՆՔ

Հոդված 1123. Ստեղծագործությունը հրապարակելու իրավունքը

գործել է մինչև 2004-07-31Բացել ARLIS-ում

1. Հեղինակին է պատկանում անձանց անորոշ շրջանակին իր ստեղծագործությունը մատուցելու իրավունքը (հրապարակելու իրավունքը):

2. Ստեղծագործությունը համարվում է հրապարակված, եթե հեղինակի կողմից կամ նրա համաձայնությամբ ստեղծագործությունն առաջին անգամ մատուցվում է անձանց անորոշ շրջանակի` այն հրատարակելու, հրապարակայնորեն կատարելու, ցուցադրելու, լույս ընծայելու կամ այլ կերպ հրապարակելու միջոցով:

3. Հեղինակն իրավունք ունի հրաժարվել ստեղծագործությունը հրապարակելու վերաբերյալ նախկինում ընդունած որոշումից (հետկանչի իրավունք)` նման որոշմամբ ստեղծագործությունն օգտագործելու իրավունք ունեցող անձանց պատճառած վնասները` ներառյալ բաց թողնված օգուտը, հատուցելու պայմանով: Եթե ստեղծագործությունն արդեն իսկ հրապարակվել է, հեղինակը պարտավոր է հրապարակայնորեն ծանուցել դրա հետկանչի մասին: Ընդ որում, նա իրավունք ունի իր հաշվին շրջանառությունից հանել ստեղծագործության նախկինում պատրաստված օրինակները:

Սույն կետի դրույթները կիրառվում են նաև ծառայողական ստեղծագործությունների նկատմամբ, եթե այլ բան նախատեսված չէ հեղինակի հետ կնքված պայմանագրով:

Underscore-ի հետ

Այս հոդվածով, ձեր գործի նյութերի վրա։

Հարցրեք, թե ինչպես է այս հոդվածը կիրառվում ձեր գործում Ստուգեք պայմանագիրը այս հոդվածին համապատասխանության համար Տեսեք այս հոդվածի բոլոր փոփոխությունները ամսաթվով Գտեք դատական պրակտիկա այս հոդվածով