Հոդված 6. ԱՎԻԱՑԻԱՅԻ ԳՈՐԾՈՒՆԵՈՒԹՅԱՆ ԻՐԱԿԱՆԱՑՈՒՄԸ

Հոդված 6. ԱՎԻԱՑԻԱՅԻ ԳՈՐԾՈՒՆԵՈՒԹՅԱՆ ԻՐԱԿԱՆԱՑՈՒՄԸ

1. Հայաստանի Հանրապետությունում ավիացիոն գործունեությունն իրականացվում է սույն օրենքի 4-րդ գլխի համաձայն Հայաստանի Հանրապետությունում գրանցված քաղաքացիական օդանավերով: Ավիացիոն գործունեություն կարող է իրականացվել նաև Հայաստանի Հանրապետության պետական օդանավերով:

2. Օտարերկրյա ազգային պատկանելություն ունեցող օդանավը կարող է մուտք գործել և թռչել օդային տարածքում միայն համապատասխան միջազգային պայմանագրի (համաձայնագրի) կամ սույն օրենքով սահմանված կարգով տրված թույլտվության առկայության դեպքում:

3. Սույն օրենքի դրույթները, որոնք վերաբերում են օտարերկրյա պետություններում գրանցված օդանավերին, հավասարապես կիրառվում են նաև համատեղ կամ միջազգային գրանցում ունեցող օդանավերի նկատմամբ: