Հոդված 2

Հոդված 2

Սահմանումներ

Սույն Համաձայնագրի շրջանակներում.

ա) «Համաձայնագիր» նշանակում է` սույն Համաձայնագիրը, դրա անբաժանելի մասը կազմող փոփոխությունները ու դրա լրացուցիչ արձանագրությունները,

բ) «Իրավասու մարմիններ» նշանակում է` Հայաստանի Հանրապետության համար՝ Հայաստանի մաքսային ծառայություն՝ ի դեմս Հայաստանի Հանրապետության կառավարությանն առընթեր պետական եկամուտների կոմիտեի, և Իրանի Իսլամական Հանրապետության համար` Իրանի Իսլամական Հանրապետության մաքսային վարչություն (ԻԻՀՄՎ),

գ) «Համատեղ օգտագործում» նշանակում է` սահմանը հատելուն վերաբերող պաշտոնական ընթացակարգերի պարզեցում, ներդաշնակեցում և դրանց փոխադարձ ճանաչում,

դ) «Մաքսային հսկողություն» նշանակում է` ապրանքների զննում, հայտարարագրերում նշված տվյալների և գրավոր կամ էլեկտրոնային փաստաթղթերի առկայության և հավաստիության ստուգում, տրանսպորտային միջոցների զննում, ֆիզիկական անձանց կողմից տեղափոխվող կամ նրանց վրա գտնվող ուղեբեռի և այլ ապրանքների զննում և մաքսային մարմինների կողմից կատարվող այլ նմանատիպ միջոցառումների իրականացում՝ նպատակ ունենալով ապահովելու Պայմանավորվող կողմերի պետությունների մաքսային օրենսդրության և մաքսային տարածքներով տեղափոխվող ապրանքների մուտքը, ելքը, տարանցիկ փոխադրումը, տեղափոխումը և վերջնական օգտագործումը, ինչպես նաև ազատ շրջանառության մեջ չգտնվող ապրանքների առկայությունը կարգավորող այլ կանոնների պատշաճ կիրառումը,

ե) «Տեղեկատվություն» նշանակում է` ապրանքներին, տրանսպորտային միջոցներին կամ ուղևորներին վերաբերող տեղեկատվություն: