Հոդված 309.5. Ֆիզիկական անձանց կողմից ձեռք բերված և Միության մաքսային տարածք ներմուծվող էլեկտրոնային առևտրի ապրանքների բացթողումը

Հոդված 309.5. Ֆիզիկական անձանց կողմից ձեռք բերված և Միության մաքսային տարածք ներմուծվող էլեկտրոնային առևտրի ապրանքների բացթողումը

1. Ֆիզիկական անձանց կողմից ձեռք բերված և Միության մաքսային տարածք ներմուծվող էլեկտրոնային առևտրի ապրանքների բացթողումը կատարվում է մաքսային մարմնի կողմից՝ պայմանով, որ՝

1) էլեկտրոնային առևտրի ապրանքների համար վճարվել է մաքսատուրք՝ սույն գլխին համապատասխան.

2) պահպանվել են արգելքներն ու սահմանափակումները՝ սույն Օրենսգրքի 7-րդ հոդվածին համապատասխան.

3) մաքսային մարմինների կողմից ապրանքների բացթողման հետ կապված գործողությունների իրականացման դիմաց մաքսավճարները վճարվել են, եթե այդ վճարները սահմանված են անդամ պետությունների օրենսդրությանը համապատասխան, և դրանց վճարման ժամկետը սահմանվել է մինչև ապրանքների բացթողումը, այդ թվում՝ մինչև էլեկտրոնային առևտրի ապրանքների հայտարարագրի գրանցումը։

2. Սույն հոդվածի 1-ին կետում նշված՝ էլեկտրոնային առևտրի ապրանքների բացթողումը պետք է ավարտված լինի սույն Օրենսգրքի 119-րդ հոդվածով սահմանված ժամկետներում։

3. Սույն հոդվածի 1-ին կետում նշված՝ էլեկտրոնային առևտրի ապրանքները Միության ապրանքների կարգավիճակ են ձեռք բերում դրանց բացթողման պահից։