Հոդված 429.4. Էլեկտրոնային առևտրի օպերատորի իրավունքները
Հոդված 429.4. Էլեկտրոնային առևտրի օպերատորի իրավունքները
1. Իր գործունեությունն իրականացնելիս էլեկտրոնային առևտրի օպերատորն իրավունք ունի էլեկտրոնային առևտրի ապրանքներն ստացող ֆիզիկական անձանցից, էլեկտրոնային առևտրային հարթակներից պահանջելու մաքսային գործառնությունների իրականացման համար անհրաժեշտ փաստաթղթեր և տեղեկություններ և այդ փաստաթղթերն ու տեղեկություններն ստանալու այնպիսի ժամկետներում, որոնցով ապահովվում է սույն Օրենսգրքով սահմանված պահանջների կատարումը:
2. Եթե ֆիզիկական անձանց կողմից ձեռք բերված էլեկտրոնային առևտրի ապրանքների մաքսային հայտարարագրումը և այլ մաքսային գործառնություններ կատարվում են էլեկտրոնային առևտրի օպերատորի կողմից, ապա էլեկտրոնային առևտրի օպերատորն ունի սույն Օրենսգրքի 84-րդ հոդվածի 1-ին կետում նշված իրավունքները, ինչպես նաև իրավասու է կատարել էլեկտրոնային առևտրի ապրանքների հայտարարագրում հայտագրված տեղեկությունների փոփոխման (լրացման) հետ կապված այն մաքսային գործառնությունները, որոնք նախատեսված են սույն Օրենսգրքի 112-րդ հոդվածով:
3. Էլեկտրոնային առևտրի օպերատորն իրավունք ունի իր գործունեության ոլորտը սահմանափակելու ֆիզիկական անձանց կողմից ձեռք բերված էլեկտրոնային առևտրի ապրանքների կամ Ֆիզիկական անձանց շրջանում իրացման համար նախատեսված էլեկտրոնային առևտրի ապրանքների մասով մաքսային գործառնությունների կատարմամբ։