Հոդված 31. Օրենսգրքի 109-րդ հոդվածում՝
Հոդված 31. Օրենսգրքի 109-րդ հոդվածում՝
1) վերնագիրը «մնացած» բառից հետո լրացնել «և այլընտրանքային խնամքի կարիք ունեցող այլ» բառերով.
2) 1-ին մասի առաջին պարբերությունից հանել «դաստիարակչական,» բառը, իսկ «, բնակչության սոցիալական պաշտպանության կամ նմանատիպ այլ կազմակերպություններից» բառերը փոխարինել «շուրջօրյա խնամք տրամադրող կազմակերպություններից» բառերով.
3) 1-ին մասի երկրորդ պարբերությունը «ընտրում են» բառերից հետո լրացնել «(առաջարկում են)» բառերով.
4) 2-րդ մասը շարադրել հետևյալ խմբագրությամբ.
«2. Երեխայի պաշտպանության ոլորտում խնամակալության և հոգաբարձության մարմինների լիազորությունները սահմանվում են Հայաստանի Հանրապետության ընտանեկան օրենսգրքով, Հայաստանի Հանրապետության քաղաքացիական օրենսգրքով և «Երեխայի իրավունքների և երեխայի պաշտպանության համակարգի մասին» օրենքով:».
5) լրացնել հետևյալ բովանդակությամբ 3-րդ մասով.
«3. Առանց ծնողական խնամքի մնացած և այլընտրանքային խնամքի կարիք ունեցող այլ երեխաների իրավունքների և շահերի պաշտպանությունն իրականացնում են խնամակալության և հոգաբարձության մարմինները, ինչպես նաև իրենց լիազորությունների շրջանակում՝ պետական կառավարման մարմիններն ու իրավաբանական անձինք: Առանց ծնողական խնամքի մնացած և այլընտրանքային խնամքի կարիք ունեցող այլ երեխաների խնամքն իրականացնող կազմակերպությունների ցանկը սահմանում է սոցիալական պաշտպանության ոլորտի պետական լիազոր մարմինը:»: