Հոդված 58. Օրենսգրքի 137.1-ին հոդվածում`
Հոդված 58. Օրենսգրքի 137.1-ին հոդվածում`
1) 2-րդ մասի և 6-րդ մասի 3-րդ կետի «Հայաստանի Հանրապետության մարզերում մարզպետարաններ» բառերը համապատասխան հոլովաձևերով փոխարինել «մարզպետի աշխատակազմ» բառերով.
2) 2-րդ մասը «քաղաքում» բառից հետո լրացնել «՝» կետադրական նշանով.
3) 3-րդ մասը լրացնել հետևյալ բովանդակությամբ 4-րդ և 5-րդ կետերով.
«4) դատական կարգով սահմանափակվել են ծնողական իրավունքները.
5) սույն օրենսգրքի 137-րդ հոդվածի 13-րդ մասում նշված հաստատություններում կամ կազմակերպություններում խնամվող երեխայի ծնող է:».
4) 4-րդ մասը շարադրել հետևյալ խմբագրությամբ.
«4. Ծնողը կարող է հանդես չգալ որպես Խնամատարության պայմանագրի կողմ՝
1) արգելանքի տակ գտնվելու, ծանր հիվանդության կամ ներկայանալու անհնարինության հիմնավոր պատճառով` այդ մասին գրավոր հայտնելով մարզպետի աշխատակազմ, իսկ Երևան քաղաքում` Երևանի քաղաքապետարան կամ
2) ճգնաժամային խնամատարության դեպքերում, երբ ծնողը չարամտորեն խուսափում է երեխայի խնամքի կազմակերպման վերաբերյալ համաձայնություն տալուց:».
5) լրացնել հետևյալ բովանդակությամբ 4.1-ին մասով.
«4.1. Դատվածություն չունեցող անձի խնամատար ծնող դառնալու գործընթացը դադարեցվում է, եթե մինչև Խնամատարության պայմանագրի կնքումը սույն օրենսգրքի 137-րդ հոդվածի 1-ին մասում նշված անձի նկատմամբ հարուցվում է քրեական հետապնդում: Քրեական հետապնդումը դադարեցվելուց հետո անձի ընտրությունը, հաշվառումը և վերապատրաստումն իրականացվում են ընդհանուր կարգով:».
6) 6-րդ մասը «համաձայնությամբ» բառից հետո լրացնել «, ինչպես նաև» բառերով.
7) լրացնել հետևյալ բովանդակությամբ 6.1-ին մասով.
«6.1. Խնամատարության պայմանագրի վաղաժամկետ լուծման այլ հիմքեր կարող են նախատեսվել Խնամատարության պայմանագրով:».
8) 7-րդ մասի «պայմանագրի օրինակելի ձևը» բառերը փոխարինել «պայմանագրերի օրինակելի ձևերը» բառերով, իսկ «Հայաստանի Հանրապետության կառավարությունը» բառերը՝ «սոցիալական պաշտպանության ոլորտի պետական լիազոր մարմինը» բառերով: