Հոդված 62. Օրենսգրքի 139.1-ին հոդվածում՝
Հոդված 62. Օրենսգրքի 139.1-ին հոդվածում՝
1) 1-ին մասի «Հայաստանի Հանրապետության մարզերում մարզպետարանների» բառերը փոխարինել «մարզպետի աշխատակազմի» բառերով, իսկ նույն մասը «քաղաքում» բառից հետո լրացնել «՝» կետադրական նշանով.
2) լրացնել հետևյալ բովանդակությամբ 2.1-ին մասով.
«2.1. Խնամատար ընտանիքում հոգեզավակի խնամքի նկատմամբ վերահսկողությանն աջակցում է համայնքի սոցիալական աշխատողը, որն իր գործունեության իրականացման ընթացքում իրեն հայտնի դարձած՝ խնամատար ընտանիքի կամ հոգեզավակի, նրանց կենսապայմանների, փոխհարաբերությունների և երեխայի իրավունքների իրացման արդյունավետության վրա ազդող այլ պայմանների ու պատճառների մասին տեղեկատվությունն անհապաղ հայտնում է մարզպետի աշխատակազմին, իսկ Երևան քաղաքում՝ Երևանի քաղաքապետարանին:».
3) 7-րդ մասը շարադրել հետևյալ խմբագրությամբ.
«7. Խնամատար ընտանիքի բնակության վայրի հնարավոր փոփոխության դեպքում խնամատար ծնողը պարտավոր է տեղափոխումից առնվազն 10 աշխատանքային օր առաջ, իսկ դրա անհնարինության դեպքում` տեղափոխումից հետո՝ եռօրյա ժամկետում, տեղեկացնել Խնամատարության պայմանագրի կողմ հանդիսացող մարզպետի աշխատակազմին, իսկ Երևան քաղաքում` Երևանի քաղաքապետարանին, որոնք պարտավոր են եռօրյա ժամկետում այդ փոփոխության մասին տեղեկացնել խնամատար ընտանիքի նոր բնակության վայրի մարզպետի աշխատակազմին, իսկ Երևան քաղաքում` Երևանի քաղաքապետարանին:».
4) 8-րդ մասը «Վերահսկողության կարգը» բառերից առաջ լրացնել «Խնամատար ընտանիքներում» բառերով, իսկ «սահմանում» բառից առաջ՝ «, վերահսկողության զեկույցների միասնական ձևաչափը» բառերով: