Հոդված 36. Օրենսգրքի 113-րդ հոդվածում՝
Հոդված 36. Օրենսգրքի 113-րդ հոդվածում՝
1) 1-ին մասի երկրորդ պարբերությունը շարադրել հետևյալ խմբագրությամբ.
«Երեխայի որդեգրումը հաստատելու մասին գործերը դատարանը քննում է՝
1) որդեգրել ցանկացող անձի ու խնամակալության և հոգաբարձության մարմնի պարտադիր մասնակցությամբ՝ Հայաստանի Հանրապետությունում մշտապես բնակվող Հայաստանի Հանրապետության քաղաքացիների կողմից երեխաներ որդեգրելու դեպքում.
2) որդեգրել ցանկացող անձի ու Կենտրոնական մարմնի պարտադիր մասնակցությամբ` օտարերկրյա քաղաքացիների և քաղաքացիություն չունեցող անձանց, ինչպես նաև Հայաստանի Հանրապետության սահմաններից դուրս բնակվող Հայաստանի Հանրապետության քաղաքացիների կողմից Հայաստանի Հանրապետության քաղաքացի երեխաներ որդեգրելու դեպքում:».
2) լրացնել հետևյալ բովանդակությամբ 1.1-ին մասով.
«1.1. Անհրաժեշտության դեպքում, ելնելով երեխայի լավագույն շահերից, դատարանը գործի քննությանը կարող է վկայի կարգավիճակով հրավիրել որդեգրվող երեխային:».
3) 2-րդ մասի առաջին պարբերության «Հայաստանի Հանրապետության մարզպետարանների (Երևանի քաղաքապետարանի)» բառերը փոխարինել «երեխայի պաշտպանության բազմամասնագիտական խորհրդի» բառերով, նույն պարբերությունը «երեխայի որդեգրման դեպքում» բառերից առաջ լրացնել «քաղաքացի» բառով, իսկ «կենտրոնական» բառը փոխարինել «Կենտրոնական» բառով.
4) 2-րդ մասի երկրորդ պարբերության «օրենքով» բառը փոխարինել «օրենսդրությամբ» բառով.
5) լրացնել հետևյալ բովանդակությամբ 2.1-ին մասով.
«2.1. Որդեգրել ցանկացող անձանց՝ Հայաստանի Հանրապետությունում մշտապես բնակվող Հայաստանի Հանրապետության քաղաքացիների, երկքաղաքացիների, օտարերկրյա քաղաքացիների, քաղաքացիություն չունեցող անձանց, Հայաստանի Հանրապետության սահմաններից դուրս բնակվող Հայաստանի Հանրապետության քաղաքացիների կամ երկքաղաքացիների կողմից երեխայի որդեգրման կարգը, օտարերկրյա պետությունից երեխա որդեգրելու համար որդեգրել ցանկացող անձանց կենսապայմանների ուսումնասիրության մասին արձանագրության, որդեգրել ցանկացող անձանց կողմից օտարերկրյա պետությունում որդեգրված երեխային Հայաստանի Հանրապետություն մուտք գործելու համաձայնության (թույլտվության) կամ որդեգրման համար անհրաժեշտ այլ փաստաթղթերի տրամադրման կարգը հաստատում է Հայաստանի Հանրապետության կառավարությունը: Որդեգրման գործընթացը կազմակերպելու ընթացակարգով նախատեսված դիմումների, համաձայնությունների, հայտարարությունների, վկայականների, զեկույցների, անձնական քարտերի և տեղեկանքների ձևերը հաստատում է սոցիալական պաշտպանության ոլորտի պետական լիազոր մարմինը:».
6) 3-րդ մասի երկրորդ պարբերության «՝ ըստ երեխայի ծննդի պետական գրանցման վայրի, և Հայաստանի Հանրապետության կառավարության լիազորած պետական կառավարման» բառերը փոխարինել «և սոցիալական պաշտպանության ոլորտի պետական լիազոր» բառերով, երրորդ պարբերության «Հայաստանի Հանրապետության կառավարության լիազորած պետական կառավարման» բառերը՝ «սոցիալական պաշտպանության ոլորտի պետական լիազոր» բառերով, իսկ չորրորդ պարբերությունից հանել «Հայաստանի Հանրապետության» բառերը: