Հոդված 41. Օրենսգրքի 116-րդ հոդվածում՝
Հոդված 41. Օրենսգրքի 116-րդ հոդվածում՝
1) 1-ին մասի «դ» կետը «հեռացված» բառից հետո լրացնել «կամ խնամատարության պայմանագիրը լուծած» բառերով.
2) 1-ին մասի «է» կետը լրացնել հետևյալ բովանդակությամբ նոր նախադասությունով. «: Որդեգրել ցանկացող անձ հաշվառելու ժամանակ անհրաժեշտ եկամտի չափը և նվազագույն կենսապայմանները սահմանում է սոցիալական պաշտպանության ոլորտի պետական լիազոր մարմինը.».
3) 1-ին մասի «ը» կետը շարադրել հետևյալ խմբագրությամբ.
«ը) այն անձանց, որոնց բնակելի տարածքը չի համապատասխանում սոցիալական պաշտպանության ոլորտի պետական լիազոր մարմնի հրամանով սահմանված սանիտարական կամ տեխնիկական պահանջներին: Եթե անձն ունի սեփականության իրավունքով մեկից ավելի բնակելի տարածքներ կամ բնակվում է իրեն սեփականության իրավունքով չպատկանող բնակելի տարածքում, ապա գնահատվում է որդեգրել ցանկացող անձի նշած բնակելի այն տարածքը, որտեղ նա պատրաստվում է բնակվել որդեգրվող երեխայի հետ.».
4) 1-ին մասի «թ» կետը «հանցագործության» բառից հետո լրացնել «, ինչպես նաև բնակչության առողջության դեմ ուղղված հանցագործության» բառերով.
5) 1-ին մասը լրացնել հետևյալ բովանդակությամբ «ժ» և «ժա» կետերով.
«ժ) այն անձանց, որոնք դատապարտվել են մարդու կամ հասարակական կարգի և բարոյականության դեմ ուղղված ծանր կամ առանձնապես ծանր հանցագործության, ընտանիքի և երեխայի շահերի դեմ ուղղված հանցագործության համար՝ անկախ դատվածությունը հանված կամ մարված լինելու հանգամանքից․
ժա) այն անձանց, որոնք «Ընտանեկան և կենցաղային բռնության կանխարգելման ու ընտանեկան և կենցաղային բռնության ենթարկված անձանց պաշտպանության մասին» օրենքով սահմանված կարգով կանխարգելիչ հաշվառվել են որպես ընտանեկան և կենցաղային բռնություն գործադրած անձինք:».
6) լրացնել հետևյալ բովանդակությամբ 1.1-ին մասով.
«1.1. Դատվածություն չունեցող անձի կողմից երեխա որդեգրելու գործընթացը դադարեցվում է, եթե մինչև որդեգրման մասին դատարանի վճռի կայացումը որդեգրել ցանկացող անձի նկատմամբ հարուցվում է քրեական հետապնդում: Քրեական հետապնդումը դադարեցվելուց հետո որդեգրել ցանկացող անձի ընտրությունը, հաշվառումը և վերապատրաստումն իրականացվում են ընդհանուր կարգով:».
7) 4-րդ մասի «Հայաստանի Հանրապետության կառավարության լիազորած պետական կառավարման» բառերը փոխարինել «սոցիալական պաշտպանության ոլորտի պետական լիազոր» բառերով.
8) 5-րդ մասի «բովանդակությանը» բառը փոխարինել «բովանդակությունը» բառով.
9) լրացնել հետևյալ բովանդակությամբ 7-րդ և 8-րդ մասերով.
«7. Սույն հոդվածի 1-ին մասում նշված դասընթացներին մասնակցելու պայմանը չի տարածվում օտարերկրյա քաղաքացիների, քաղաքացիություն չունեցող անձանց, Հայաստանի Հանրապետության սահմաններից դուրս բնակվող Հայաստանի Հանրապետության քաղաքացիների, երկքաղաքացիների վրա, եթե նրանք իրենց բնակության վայրի՝ պետության օրենսդրությամբ սահմանված կարգով անցել են համապատասխան դասընթացներ և ներկայացնում են այդ փաստը հավաստող վկայական, հավաստագիր կամ տեղեկանք:
8. Որդեգրումն արգելվում է, եթե որդեգրել ցանկացող անձանց որդեգրելու իրավունքը սահմանափակող կամ որդեգրումն արգելող նորմը կիրառելի է ամուսիններից առնվազն մեկի նկատմամբ:»: