Հոդված 26. Ընդդատության և ենթակայության մասին վեճերը

Հոդված 26. Ընդդատության և ենթակայության մասին վեճերը

1. Գործն ըստ տարածքային ընդդատության կամ ըստ ենթակայության ստացած դատարանը յոթնօրյա ժամկետում որոշում է կայացնում այն վարույթ ընդունելու կամ գործը Վճռաբեկ դատարանի նախագահին ուղարկելու մասին, եթե համաձայն չէ գործի տարածքային ընդդատությանը կամ ենթակայությանը:

2. Վճռաբեկ դատարանի նախագահը հնգօրյա ժամկետում որոշում է գործի ընդդատությունը կամ ենթակայությունը։

3. Վճռաբեկ դատարանի նախագահի որոշած դատարանը համարվում է իրավասու դատարան:

4. Սույն հոդվածով սահմանված կարգը կիրառվում է նաև վարչական, հակակոռուպցիոն կամ սնանկության դատարանի կողմից համապատասխանաբար վերահասցեագրված հայցադիմումի կամ հանձնված գործի նկատմամբ:

(26-րդ հոդվածը լրաց., խմբ. 23.10.19 ՀՕ-189-Ն, փոփ. 14.04.21 ՀՕ-335-Ն)

(հոդվածը 09.02.22 ՀՕ-26-Ն օրենքի փոփոխությամբ ուժի մեջ կմտնի նույն օրենքի 5-րդ հոդվածի 2-րդ մասի համաձայն)

(09.02.22 ՀՕ-26-Ն օրենքն ունի անցումային դրույթ)

(14.04.21 ՀՕ-335-Ն օրենքն ունի անցումային դրույթ)