Հոդված 16. Անբարեխիղճ մրցակցության անթույլատրելիությունը
Հոդված 16. Անբարեխիղճ մրցակցության անթույլատրելիությունը
1. Անբարեխիղճ մրցակցությունը չի թույլատրվում, այդ թվում՝
1) կեղծ, ոչ ճշգրիտ կամ խեղաթյուրված այնպիսի տեղեկություններ տարածելը, որոնց պատճառով մրցակից հանդիսացող տնտեսավարող սուբյեկտը (շուկայի սուբյեկտը) կարող է կորուստներ կրել, կամ որոնք կարող են վնաս հասցնել նրա գործարար համբավին.
2) ապրանքի արտադրության բնույթի, եղանակի և վայրի, դրա սպառողական հատկանիշների, որակի և քանակի կամ դրա արտադրողների առնչությամբ մոլորության մեջ գցելը.
3) տնտեսավարող սուբյեկտի (շուկայի սուբյեկտի) կողմից ոչ կոռեկտ համեմատություն կատարելն իր կողմից արտադրվող կամ իրացվող ապրանքների և այլ տնտեսավարող սուբյեկտների (շուկայի սուբյեկտների) կողմից արտադրվող կամ իրացվող ապրանքների միջև.
4) ապրանքը վաճառելը, փոխանակելը կամ այլ կերպ ապրանքը շրջանառության մեջ դնելը, եթե այդ ժամանակ ապօրինաբար օգտագործվել են մտավոր գործունեության արդյունքներ և դրանց հավասարեցված՝ իրավաբանական անձանց անհատականացման միջոցներ, արտադրանքի, աշխատանքների, ծառայությունների անհատականացման միջոցներ.
5) առևտրային, ծառայողական կամ պետության օրենսդրությամբ պահպանվող այլ գաղտնիք կազմող տեղեկություններ ապօրինաբար ստանալը, դրանք օգտագործելը, հրապարակելը։
2. Բացի սույն հոդվածի 1-ին մասում նշված ձևերից՝ պետության օրենքով կարող են նախատեսվել անբարեխիղճ մրցակցության այլ ձևեր, որոնք պետք է արգելվեն։