Հոդված 5
Հոդված 5
Աուդիտորական գործունեության իրականացմանը մասնակցող անձանց ներկայացվող պահանջները
1. Անդամ պետությունում աուդիտորական գործունեության իրականացմանը որպես աուդիտոր մասնակցելու իրավունք ստանալու համար ֆիզիկական անձը պետք է համապատասխանի հետևյալ պահանջներին՝
ա) բարձրագույն կրթության առկայություն.
բ) աուդիտորական գործունեություն իրականացնելու կամ հաշվապահական հաշվառում վարելու և հաշվապահական (ֆինանսական) հաշվետվություններ կազմելու հետ կապված գործնական աշխատանքի փորձի առկայություն.
գ) անթերի գործարար (մասնագիտական) համբավ, որն արտահայտվում է ծանր և առանձնապես ծանր հանցագործությունների ու տնտեսության ոլորտում հանցագործությունների համար չհանված կամ չմարված դատվածության բացակայութամբ, ինչպես նաև քաղաքացիական շրջանառության մասնակիցների, այդ թվում՝ աուդիտորների մասնագիտական միավորումների (ինքնակարգավորվող կազմակերպություններ) կողմից ֆիզիկական անձի գործարար և մասնագիտական որակների, նրա գործարար վարքագծի վերաբերյալ դրական գնահատականով.
դ) աուդիտորի որակավորման ատեստատի (վկայականի, հավաստագրի) առկայություն։
2. Աուդիտորն աուդիտորական գործունեության իրականացմանը մասնակցում է որպես աուդիտորական կազմակերպության աշխատող կամ անհատ աուդիտոր՝ իր և համապատասխանաբար աուդիտորական կազմակերպության կամ անհատ աուդիտորի միջև աշխատանքային պայմանագրի հիման վրա։