Հոդված 998. Ապահովագրության պայմանագրի էական պայմանները

Հոդված 998. Ապահովագրության պայմանագրի էական պայմանները

1. Գույքի ապահովագրության պայմանագիր կնքելիս ապահովագրվողի և ապահովագրողի միջև պետք է համաձայնություն ձեռք բերվի`

1) ապահովագրության օբյեկտ հանդիսացող որոշակի գույքի կամ այլ գույքային շահի վերաբերյալ.

2) այն իրադարձության բնույթի վերաբերյալ, որի վրա հասնելու դեպքում իրականացվում է ապահովագրությունը (ապահովագրական դեպք).

3) ապահովագրական գումարի չափի մասին.

4) պայմանագրի գործողության ժամկետի մասին:

2. Անձնական ապահովագրության պայմանագիր կնքելիս ապահովագրվողի և ապահովագրողի միջև պետք է համաձայնություն ձեռք բերվի`

1) ապահովագրված անձի վերաբերյալ.

2) ապահովագրված անձի կյանքում այն իրադարձության բնույթի վերաբերյալ, որի վրա հասնելու դեպքում իրականացվում է ապահովագրությունը (ապահովագրական դեպք).

3) ապահովագրական գումարի չափի վերաբերյալ.

4) պայմանագրի գործողության ժամկետի վերաբերյալ: