Գլուխ 4 · ԿԵՆՏՐՈՆԱԿԱՆ ԲԱՆԿԻ ՓՈԽՀԱՐԱԲԵՐՈՒԹՅՈՒՆՆԵՐԸ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՊԵՏԱԿԱՆ ՄԱՐՄԻՆՆԵՐԻ ՀԵՏ
Հոդված 32. Ֆինանսական գործակալը
Հոդված 32. Ֆինանսական գործակալը
Կենտրոնական բանկը, կառավարության լիազորած մարմնի հետ համատեղ սահմանած կարգով և պայմաններով, կառավարության ֆինանսական գործակալն է`
ա) կառավարության լիազորած մարմնի կողմից թողարկված պարտատոմսերի և այլ արժեթղթերի բաշխման, գրանցման և փոխանցման, ինչպես նաև արժեթղթերի հիմնական գումարի, տոկոսների կամ սահմանված այլ վճարումների իրականացման գծով.
բ) պետական բյուջեի և ներքին ու արտաքին պետական պարտքի սպասարկման հետ կապված գործառնությունների, ինչպես նաև վճարային այլ գործառնությունների իրականացման գծով.
գ) Կենտրոնական բանկի խնդիրներին չհակասող այլ գործառնությունների գծով: