Հոդված 47. Թղթադրամը և մետաղադրամը շրջանառությունից հետ կանչելը և հանելը
Հոդված 47. Թղթադրամը և մետաղադրամը շրջանառությունից հետ կանչելը և հանելը
1. Կենտրոնական բանկը կարող է թողարկված ցանկացած թղթադրամը կամ մետաղադրամը շրջանառությունից հետ կանչել և հանել` փոխանակման համար թողարկելով համարժեք գումարով այլ թղթադրամ կամ մետաղադրամ` այն դեպքում, եթե հետ կանչվող կամ շրջանառությունից հանվող թղթադրամը կամ մետաղադրամը չի համապատասխանում Կենտրոնական բանկի կողմից սահմանված պաշտպանական կամ վճարունակության հայտանիշներին կամ թողարկվում է նոր անվանական արժեքով թղթադրամ կամ մետաղադրամ:
Թղթադրամը կամ մետաղադրամը շրջանառությունից հետ կանչելը և հանելը սույն մասով չնախատեսված դեպքերում իրականացվում է օրենքով սահմանված կարգով:
Կենտրոնական բանկը սահմանում է շրջանառությունից հետ կանչված թղթադրամը կամ մետաղադրամը փոխանակելու համար ներկայացնելու ժամկետը, որը չի կարող մեկ տարուց պակաս լինել: Փոխանակման համար ներկայացվող թղթադրամի կամ մետաղադրամի քանակը և գումարը չեն կարող սահմանափակվել:
2. Սույն հոդվածի առաջին մասով նախատեսված ժամկետի ավարտից հետո շրջանառությունից հետ կանչված թղթադրամը կամ մետաղադրամը դադարում է օրինական վճարամիջոց լինելուց, սակայն ենթակա է փոխանակման առանց սահմանափակումների: