Հոդված 20. Կլիմայական ֆինանսավորման միջոցները և մեխանիզմները
Հոդված 20. Կլիմայական ֆինանսավորման միջոցները և մեխանիզմները
1. Կլիմայական ֆինանսավորումն իրականացվում է պետական բյուջեի միջոցներից, միջազգային կազմակերպություններից, մասնավոր և այլընտրանքային ազգային կամ միջազգային աղբյուրներից ստացվող, ինչպես նաև Հայաստանի Հանրապետության օրենսդրությամբ չարգելված այլ միջոցներից:
2. Կլիմայական քաղաքականության իրականացման ֆինանսավորման մեխանիզմները ներառում են՝
1) բյուջետային ծրագրերը, վարկերը, փոխառությունները, երաշխիքները.
2) հանրային ներդրումային ծրագրերը, սուբվենցիաները.
3) պետություն-մասնավոր գործընկերության շրջանակներում իրականացվող կլիմայական ծրագրերը.
4) միջազգային գործընկերների տրամադրած վարկերը և դրամաշնորհները.
5) միջազգային նպատակային ներդրումային հիմնադրամների տրամադրած դրամաշնորհները.
6) պարտատոմսերի թողարկումը և տեղաբաշխումը, վարկերի ներգրավումը և տրամադրումը.
7) մասնավոր ներդրումները, նվիրատվությունները.
8) Հայաստանի Հանրապետության օրենսդրությամբ չարգելված ֆինանսավորման այլ մեխանիզմներ: