Հոդված 9. Ջերմոցային գազերի ցածր արտանետումներով զարգացման երկարաժամկետ ռազմավարությունը
Հոդված 9. Ջերմոցային գազերի ցածր արտանետումներով զարգացման երկարաժամկետ ռազմավարությունը
1. Ջերմոցային գազերի ցածր արտանետումներով զարգացման երկարաժամկետ ռազմավարությունը սահմանում է ջերմոցային գազերի արտանետումների կրճատման երկարաժամկետ սցենար կամ սցենարներ ջերմոցային գազերի զուտ զրոյական արտանետումներով տնտեսության անցման նպատակով:
2. Ջերմոցային գազերի ցածր արտանետումներով զարգացման երկարաժամկետ ռազմավարությունը ներառում է՝
1) երկարաժամկետ նպատակադրումներ և ջերմոցային գազերի արտանետումների կրճատման քանակական թիրախներ՝ ըստ սցենարների, առանձին ոլորտների և ամբողջ տնտեսության համար, որոնք ներառում են միջանկյալ թիրախներ.
2) սահմանված նպատակադրումների և թիրախների ապահովմանն ուղղված քաղաքականության ուղղություններ և գործողություններ՝ դրանց իրականացման համար պահանջվող ռեսուրսների գնահատմամբ.
3) մշտադիտարկման, գնահատման և հաշվետվողականության մեխանիզմ:
3. Ջերմոցային գազերի ցածր արտանետումներով զարգացման երկարաժամկետ ռազմավարությունը հաստատում է Կառավարությունը: