Հոդված 37. Կենսոլորտային տարածքի հիմնման նպատակով ստեղծվող Միջգերատեսչական հանձնաժողովը

Հոդված 37. Կենսոլորտային տարածքի հիմնման նպատակով ստեղծվող Միջգերատեսչական հանձնաժողովը

1. Կենսոլորտային տարածքի հիմնման գործընթացը համակարգելու և շահագրգիռ պետական կառավարման համակարգի մարմինների, տարածքային կառավարման մարմինների, տեղական ինքնակառավարման մարմինների և այլ շահագրգիռ կողմերի մասնակցությունն ապահովելու նպատակով լիազորված մարմնի ղեկավարի հրամանով ստեղծվում է Միջգերատեսչական հանձնաժողով:

2. Միջգերատեսչական հանձնաժողովը խորհրդատվական բնույթի մարմին է, որի որոշումները կրում են խորհրդատվական բնույթ և պարտադիր կատարման ենթակա չեն:

3. Միջգերատեսչական հանձնաժողովի կազմում ընդգրկվում են լիազորված մարմնի, համապատասխան պետական կառավարման համակարգի մարմինների, տարածքային կառավարման մարմինների և կենսոլորտային տարածքի հնարավոր սահմաններում ընդգրկվող համայնքների ներկայացուցիչներ: Անհրաժեշտության դեպքում հանձնաժողովի աշխատանքներին խորհրդակցական ձայնի իրավունքով կարող են ներգրավվել գիտական կազմակերպությունների, հասարակական կազմակերպությունների և այլ շահագրգիռ կողմերի ներկայացուցիչներ:

4. Միջգերատեսչական հանձնաժողովի անհատական կազմը և աշխատակարգը հաստատում է լիազորված մարմինը:

5. Միջգերատեսչական հանձնաժողովի գործառույթներն են՝

1) կենսոլորտային տարածքի հիմնման գործընթացի համակարգումը․

2) կենսոլորտային տարածքի կանոնադրության, տեսլականի, նպատակների, գործառույթների, կառավարման առանձնահատկությունների, սահմանների և գոտիների վերաբերյալ առաջարկությունների քննարկումը․

3) կենսոլորտային տարածքի հիմնման գործընթացի համապատասխանեցման վերաբերյալ առաջարկությունների ներկայացումը Կառավարության, պետական կառավարման համակարգի մարմինների, տարածքային կառավարման մարմինների և տեղական ինքնակառավարման մարմինների զարգացման ծրագրերին․

4) կենսոլորտային տարածքի հիմնման գործընթացում շահագրգիռ կողմերի ներգրավման ապահովման վերաբերյալ առաջարկությունների ներկայացումը:

6. Միջգերատեսչական հանձնաժողովը գործում է մինչև կենսոլորտային տարածքի հիմնման գործընթացի ավարտը:

Հայաստանի Հանրապետության

Նախագահ Ռ. Քոչարյան

2006 թ. դեկտեմբերի 16

Երևան

ՀՕ-211-Ն