Հոդված 53
Հոդված 53.
Ներառում է թութքի բոլոր ձևերը: Ցուցումների առկայության դեպքում առաջարկվում է վիրահատություն կամ կոնսերվատիվ բուժում: Բուժման ոչ բավարար արդյունքների կամ բուժումից հրաժարվելու դեպքում կիրառվում է «ա» կամ «բ» կետը՝ կախված սակավարյունության արտահայտվածությունից, սրացումների հաճախականությունից և հեմորոիդալ հանգույցների արտանկման աստիճանից:
«Ա» կետին են վերաբերում երրորդ-չորրորդ աստիճանի թութքը, թութքի հաճախակի սրացումները՝ եթե փորձաքննությունից առաջ (մինչև 2 ամիս) բուժվել է ստացիոնար պայմաններում, թրոմբոզի, ինչպես նաև, կրկնվող արյունահոսության կպակցությամբ:
«Բ» կետին են վերաբերում այն դեպքերը, երբ ստացիոնար պայմաններում վիրահատությունը կամ կոնսերվատիվ բուժումը լավ արդյունք են տալիս:
«Գ» կետին են վերաբերում հազվադեպ սրացումներով թութքը, ինչպես նաև հաջող բուժումից հետո բոլոր դեպքերը:
Հանգույցների արտանկումով ուղեկցվող թութք ունեցող դիմորդները ճանաչվում են ոչ պիտանի ռազմաուսումնական հաստատությունում ուսանելու համար: