Հոդված 2. ՀԱՐԿԵՐ, ՈՐՈՆՑ ՎՐԱ ՏԱՐԱԾՎՈՒՄ Է ՀԱՄԱՁԱՅՆԱԳԻՐԸ

Հոդված 2. ՀԱՐԿԵՐ, ՈՐՈՆՑ ՎՐԱ ՏԱՐԱԾՎՈՒՄ Է ՀԱՄԱՁԱՅՆԱԳԻՐԸ

1. Սույն Համաձայնագիրը տարածվում է յուրաքանչյուր Պայմանավորվող պետության, նրա պետական ստորաբաժանումների կամ իշխանության տեղական մարմինների կողմից սահմանված եկամուտների և գույքի հարկերի վրա` անկախ դրանց գանձման եղանակից:

2. Եկամուտների և գույքի հարկեր կհամարվեն եկամուտների ընդհանուր գումարի, գույքի ընդհանուր արժեքի, կամ եկամուտների կամ գույքի առանձին տարրերի վրա սահմանված բոլոր տեսակի հարկերը, այդ թվում` շարժական կամ անշարժ գույքի օտարման արդյունքում արժեքի հավելաճի, ձեռնարկությունների վճարած աշխատավարձի կամ ռոճիկի ընդհանուր գումարի, ինչպես նաև գույքի արժեքաճի հարկերը:

3. Սույն Համաձայնագիրը կկիրառվի, մասնավորապես, հետևյալ գոյություն ունեցող հարկերի առնչությամբ.

ա) Հայաստանի Հանրապետությունում`

I) շահութահարկ,

II) եկամտահարկ,

III) գույքահարկ, (այսուհետ` հայկական հարկ),

բ) Չինաստանի Ժողովրդական Հանրապետությունում`

I) ֆիզիկական անձանց եկամտահարկ,

II) օտարերկրյա ներդրումներով ձեռնարկությունների և օտարերկրյա ձեռնարկությունների համար եկամտահարկ,

III) տեղական եկամտահարկ, (այսուհետ` չինական հարկ):

4. Սույն Համաձայնագիրը կկիրառվի նաև ցանկացած նույնական կամ էականորեն համանման հարկերի նկատմամբ, որոնք կսահմանվեն սույն Համաձայնագրի ստորագրումից հետո` ի լրումն 3-րդ կետում նշված գոյություն ունեցող հարկերի կամ դրանց փոխարեն: Պայմանավորվող պետությունների իրավասու մարմինները կծանուցեն միմյանց իրենց հարկային օրենքներում կատարված որևէ էական փոփոխության մասին այդպիսի փոփոխություններից հետո ընդունելի ժամկետում: