Հոդված 48. ԲՈՂՈՔԱՐԿՄԱՆ ՎԵՐԱԲԵՐՅԱԼ ՆՈՐՄԵՐԸ

Հոդված 48. ԲՈՂՈՔԱՐԿՄԱՆ ՎԵՐԱԲԵՐՅԱԼ ՆՈՐՄԵՐԸ

1. Բողոք ստացած մարմինը գործընթացի բոլոր մասնակիցներին տեղեկացնում է դրա բովանդակության մասին` սույն օրենքի 46 և 47 հոդվածներին համապատասխան:

2. Յուրաքանչյուր անձ, որի շահերը խախտվել են կամ կարող են խախտվել բողոքարկման հիմք ծառայած գործողությունների արդյունքում, իրավունք ունի մասնակցել բողոքարկման ընթացակարգին: Բողոքարկման ընթացակարգին չմասնակցած անձը զրկվում է սույն օրենքի 46 և 47 հոդվածներին համապատասխան համանման բողոք ներկայացնելու իրավունքից:

3. Բողոքի վերաբերյալ պատվիրատուի կամ լիազոր մարմնի որոշումը, այն կայացնելու օրվանից հինգ աշխատանքային օրվա ընթացքում ուղարկվում է բողոքը ներկայացրած անձին և տվյալ գնումներին մասնակցած և շահագրգիռ այլ անձանց, որոնք ներկայացրել են նման պահանջ: