Հոդված 59. Հանրապետության Նախագահին պաշտոնանկ անելու հիմքերի առկայության մասին հարցի քննությունը

Հոդված 59. Հանրապետության Նախագահին պաշտոնանկ անելու հիմքերի առկայության մասին հարցի քննությունը

(վերնագիրը փոփ. 09.12.97 ՀՕ-167)

Սահմանադրության 100 հոդվածի 5 կետով նախատեսված հարցով սահմանադրական դատարան կարող է դիմել Ազգային ժողովը Սահմանադրության 57 հոդվածի երկրորդ մասով նախատեսված դեպքերում և կարգով:

Սույն լիազորությունն իրականացնելիս սահմանադրական դատարանն իրավունք ունի`

1) դատական, դատախազական և քննչական մարմիններից պահանջել նյութեր, քրեական, քաղաքացիական, վարչական գործեր, դատավճիռներ, վճիռներ, որոշումներ, տեղեկանքներ և այլ փաստաթղթեր.

2) հրավիրել և լսել այն պաշտոնատար անձանց և քաղաքացիներին, որոնց բացատրությունները կարող են նշանակություն ունենալ գործով կայացվելիք եզրակացության համար:

(59-րդ հոդվածը փոփ. 09.12.97 ՀՕ-167)