Հոդված 26. Հատուկ ռեժիմի ուղղիչ աշխատանքային գաղութներ

Հոդված 26. Հատուկ ռեժիմի ուղղիչ աշխատանքային գաղութներ

Հատուկ ռեժիմի ուղղիչ աշխատանքային գաղութներում պատիժ են կրում ազատազրկման դատապարտված այն տղամարդիկ, որոնք ճանաչվել են առանձնապես վտանգավոր ռեցիդիվիստներ, ինչպես նաև այն տղամարդիկ, որոնց նկատմամբ նշանակված մահապատիժը ներման կամ ամնիստիայի կարգով փոխարինվել է ազատազրկմամբ:

Հատուկ ռեժիմի ուղղիչ աշխատանքային գաղութներում դատապարտյալները պահվում են խիստ մեկուսացման պայմաններում` խցային տիպի կամ սովորական բնակելի շենքերում, որպես կանոն, օգտագործվում են ծանր աշխատանքներում և կրում են հատուկ ձևի հագուստ:

Հատուկ ռեժիմի ուղղիչ աշխատանքային գաղութներում պատիժը կրող դատապարտյալները իրավունք ունեն`

- սննդամթերք և առաջին անհրաժեշտության առարկաներ ձեռք բերելու համար ամսական ծախսել մինչև սահմանված նվազագույն աշխատավարձի եռապատիկի չափով գումար.

- ամսվա ընթացքում ունենալ մեկ կարճատև և եռամսյակի ընթացքում` մեկ երկարատև տեսակցություն.

- եռամսյակի ընթացքում ստանալ ոչ ավելի, քան մեկ փաթեթ.

- ամսվա ընթացքում ստանալ հանձնուք և մեկ ծանրոց:

Լավ վարքի և աշխատանքի նկատմամբ ազնիվ վերաբերմունքի դեպքում, պատժի ժամկետի ոչ պակաս, քան մեկ երրորդ կրելուց հետո, դատապարտյալներին պահելու պայմանները կարող են բարելավվել: Այդ դեպքում դատապարտյալներին լրացուցիչ թույլատրվում է`

- սննդամթերք և առաջին անհրաժեշտության առարկաներ ձեռք բերելու համար ամսական ծախսել մինչև սահմանված նվազագույն աշխատավարձի կրկնապատիկի չափով գումար.

- տարվա ընթացքում ունենալ չորս կարճատև և երեք երկարատև տեսակցություն: Եթե դատապարտյալները մերձավոր ազգականներ չունեն, ապա երկարատև տեսակցությունները կարող են փոխարինվել կարճատև տեսակցությամբ.

- տարվա ընթացքում ստանալ վեց ծանրոց կամ հանձնուք:

(05.12.85, 01.07.98 ՀՕ-244, 19.04.00 ՀՕ-55 օրենքներ)