Հոդված 1120. Հեղինակային իրավունքի պահպանության նշանը

Հոդված 1120. Հեղինակային իրավունքի պահպանության նշանը

(վերնագիրը փոփ. 15.06.06 ՀՕ-143-Ն)

1. Բացառիկ գույքային իրավունքների տիրապետողն իր իրավունքների մասին ծանուցելու նպատակով կարող է օգտագործել հեղինակային իրավունքի պահպանության նշան, որը տեղադրվում է ստեղծագործության բնօրինակի կամ յուրաքանչյուր օրինակի վրա և կազմված է`

1) շրջանակի մեջ վերցված լատիներեն «C» տառից.

2) բացառիկ հեղինակային իրավունքները տիրապետողի անունից (անվանումից).

3) ստեղծագործության առաջին հրատարակության տարեթվից:

2. Իրավատեր է համարվում հեղինակային իրավունքի պահպանության նշանում հիշատակված անձը, եթե այլ բան ապացուցված չէ:

(1120-րդ հոդվածը փոփ. 15.06.06 ՀՕ-143-Ն)