Հոդված 26. Միջազգային ռեգիստր

Հոդված 26. Միջազգային ռեգիստր

1. Միջազգային ռեգիստրն ստեղծվում է`

ա) միջազգային երաշխիքները, պայմանական միջազգային երաշխիքները և գրանցելի արտապայմանագրային իրավունքներն ու երաշխիքները,

բ) միջազգային երաշխիքների զիջումը և պայմանական զիջումը,

գ) միջազգային երաշխիքներ ձեռք բերելը օրենքով կամ պայմանագրով կատարվող սուբրոգացիայի միջոցով` կիրառվող իրավունքի համաձայն,

դ) ազգային երաշխիքների մասին ծանուցումները,

ե) նախորդ ենթակետերից ցանկացածում նշված երաշխիքների ստորակարգության կարգը գրանցելու համար:

2. Սույն գլխի և 5-րդ գլխի նպատակների համար. «գրանցում» եզրույթը համապատասխան դեպքերում ներառում է գրանցման փոփոխությունը, դրա գործողության երկարաձգումը կամ դադարեցումը: