Հոդված 25
Հոդված 25.
Բրոնխիալ ասթմայի ախտորոշումը պետք է կատարվի ստացիոնար համալիր հետազոտությունից հետո:
«Ա» կետին է վերաբերում կրկնակի ստացիոնար բուժում պահանջող, շնչարգելության ծանր ու հաճախակի նոպաներով ուղեկցվող, II-III աստիճանի թոքային ու սրտային անբավարարությամբ բրոնխիալ ասթման:
«Բ» կետին է վերաբերում բրոնխիալ ասթմայի միջին ծանրության ձևը, որը բնորոշվում է ամիսը մեկ և ավելի անգամ կրկնվող և բրոնխալայնիչ տարբեր միջոցներով հեշտությամբ վերացվող շնչարգելության նոպաներով: Նոպաների միջև ընկած շրջանում պահպանվում է արտաքին շնչառական ֆունկցիայի I-II աստիճանի խանգարումը:
«Գ» կետին են վերաբերում հիվանդության թեթև ձևերը, որոնց ժամանակ շնչարգելության նոպաները տևական չեն, տարեկան լինում են 2-3 անգամից ոչ ավելի, հեշտությամբ վերացվում են բրոնխալայնիչ միջոցներով: Նոպայից դուրս կարող է լինել ԱՇՖ-ի աննշան խանգարում:
Եթե բրոնխոսպազմային համախտանիշն այլ հիվանդությունների ախտանշան է, ապա զինվորական ծառայության համար պիտանիությունը որոշվում է «Հիվանդությունների ցանկի» համապատասխան հոդվածներով՝ կախված հիմնական հիվանդության ընթացքից:
Ալերգիկ այլ հիվանդությունների դեպքում փորձաքննությունը կատարվում է ըստ սույն Կարգի համապատասխան հոդվածների՝ կախված ախտահարված օրգանի կամ համակարգի ֆունկցիոնալ վիճակից: