Հոդված 50. Բեռնային գործողությունները
Հոդված 50. Բեռնային գործողությունները
Հայաստանի Հանրապետության մաքսային սահմանով ապրանքներ ու այլ առարկաներ փոխադրող ձեռնարկությունը, հիմնարկը, կազմակերպությունը կամ քաղաքացին մաքսատան կամ մաքսային կետի պահանջով պարտավոր է կատարել մաքսային ձևակերպման ենթակա ապրանքների ու այլ առարկաների բեռնումը, բեռնաթափումը, փոխաբեռնումը, փաթեթների վնասվածքների վերացումը, փաթեթների բացումը, ապրանքների և այլ առարկաների փաթեթավորումը, վերափաթեթավորումը, ինչպես նաև բացել այն շենքերը, տարողությունները և մյուս տեղերը, որոնք կարող են պարունակել նման ապրանքներ և այլ առարկաներ:
Այն ապրանքների և այլ առարկաների բեռնումը, բեռնաթափումը, փոխաբեռնումը, փաթեթների վնասվածքների վերացումը, փաթեթների բացումը, փաթեթավորումը կամ վերափաթեթավորումը, որոնց մաքսային ձևակերպումը ավարտված չի եղել, ինչպես նաև այդ ապրանքների ու այլ առարկաների կամ դրանց փաթեթների նույնացման նշանների կամ պիտակների փոփոխումը կարող է կատարվել միայն մաքսատան կամ մաքսային կետի թույլտվությամբ: