Հոդված 95. Պալատի վերստուգիչ հանձնաժողովը

Հոդված 95. Պալատի վերստուգիչ հանձնաժողովը

1. Պալատի ֆինանսատնտեսական գործունեության ստուգումն իրականացվում է ընդհանուր ժողովի կողմից չորս տարի ժամկետով ընտրված՝ երեք անդամից կազմված վերստուգիչ հանձնաժողովի կողմից։

2. Վերստուգիչ հանձնաժողովը ամեն տարի իրականացնում է պալատի ֆինանսատնտեսական գործունեության ստուգում և կազմում է եզրակացություն։

3. Յուրաքանչյուր տարվա ֆինանսատնտեսական գործունեության ստուգումն իրականացվում և վերստուգիչ հանձնաժողովի եզրակացությունը պալատի պաշտոնական կայքում հրապարակվում է տվյալ տարվան հաջորդող տարվա առաջին եռամսյակի ընթացքում։

4. Պալատի անդամների ընդհանուր թվի առնվազն մեկ հինգերորդի պահանջով և ֆինանսավորմամբ կարող է անցկացվել պալատի ֆինանսատնտեսական գործունեության ստուգում անկախ աուդիտորական կազմակերպության կողմից։