Հոդված 100. Կառավարչի ընտրությունը վիճակահանությամբ

Հոդված 100. Կառավարչի ընտրությունը վիճակահանությամբ

1․ Լիազոր մարմինը վարում է հատուկ համակարգչային ծրագիր, որի միջոցով լիազոր մարմնի սահմանած կարգով կառավարչի թեկնածուների ընտրության նպատակով կազմակերպվում է վիճակահանություն։

2․ Վիճակահանությանը կարող են մասնակցել կառավարչի գործունեություն իրականացնելու նպատակով լիազոր մարմնում հաշվառված անձինք։

3․ Կառավարչի թեկնածուի վիճակահանությամբ ընտրության կարգի մանրամասները սահմանվում են լիազոր մարմնի ենթաօրենսդրական նորմատիվ իրավական ակտով:

4. Տեխնիկական պատճառներով հատուկ համակարգչային ծրագրի կիրառմամբ կառավարչի թեկնածուների ընտրության անհնարինության դեպքում մինչև այդ պատճառների վերացումը և ծրագրի կիրառումը կառավարիչների ընտրությունը կատարվում է լիազոր մարմնի սահմանած կարգով։