Հոդված 32. Սնանկության վարույթի մասնակիցների իրավահաջորդությունը
Հոդված 32. Սնանկության վարույթի մասնակիցների իրավահաջորդությունը
1. Սնանկության դատական վարույթի ընթացքում մասնակիցներից մեկի դուրս գալու դեպքում (քաղաքացու մահ, իրավաբանական անձի կամ վարչական մարմնի վերակազմակերպում, պարտատիրոջ կողմից պահանջի զիջում և այլն) Սնանկության դատարանը որոշում է կայացնում գործին մասնակցող անձին նրա իրավահաջորդով փոխարինելու վերաբերյալ:
2. Իրավահաջորդությունը հնարավոր է վարույթի ցանկացած փուլում:
3. Վարույթից, այդ թվում՝ դատական վարույթից, պարտատիրոջ դուրս գալու դեպքում պարտատիրոջ փոխարինումը տեղի է ունենում պարտատիրոջ իրավահաջորդի միջնորդությամբ:
4. Այն բոլոր գործողությունները, որոնք կատարվել են վարույթի ընթացքում մինչև իրավահաջորդի` վարույթին ներգրավվելը, նրա համար պարտադիր են այնքանով, որքանով դրանք պարտադիր կլինեին այն անձի համար, որին փոխարինել է իրավահաջորդը: