Հոդված 165. ԽՆԱՄԱԿԱԼՆԵՐԻ ՈՒ ՀՈԳԱԲԱՐՁՈՒՆԵՐԻ ՔԱՂԱՔԱՑԻԱԿԱՆ-ԻՐԱՎԱԿԱՆ ՊԱՐՏԱԿԱՆՈՒԹՅՈՒՆՆԵՐԸ
Հոդված 165. ԽՆԱՄԱԿԱԼՆԵՐԻ ՈՒ ՀՈԳԱԲԱՐՁՈՒՆԵՐԻ ՔԱՂԱՔԱՑԻԱԿԱՆ-ԻՐԱՎԱԿԱՆ ՊԱՐՏԱԿԱՆՈՒԹՅՈՒՆՆԵՐԸ
Խնամակալները խնամարկյալների օրինական ներկայացուցիչներն են և նրանց անունից ու հօգուտ նրանց կնքում են բոլոր անհրաժեշտ գործարքները պահպանելով քաղաքացիական օրենսգրքի 14 և 16 հոդվածներով սահմանված կանոնները:
Հոգաբարձուները օժանդակություն են ցույց տալիս խնամարկյալներին իրենց իրավունքներն իրականացնելիս և իրենց պարտականությունները կատարելիս, ինչպես նաև նրանց պաշտպանում են երրորդ անձանց չարարկություններից:
Տասնհինգից մինչև տասնութ տարեկան անչափահասների հոգաբարձուները համաձայնություն են տալիս կնքելու այնպիսի գործարքներ, որպիսիք օրենքով անչափահասներն իրավունք չունեն ինքնուրույն կերպով կնքելու:
Գործունակությունը սահմանափակված անձանց հոգաբարձուները քաղաքացիական օրենսգրքի 15 հոդվածին համապատասխան համաձայնություն են տալիս, որ խնամարկյալներն ստանան իրենց հասանելիք վճարումները և տնօրինեն իրենց ստացած դրամական գումարներն ու մյուս գույքը: