Հոդված 1. ՕՐԵՆՔԻ ԿԱՐԳԱՎՈՐՄԱՆ ԱՌԱՐԿԱՆ
Հոդված 1. ՕՐԵՆՔԻ ԿԱՐԳԱՎՈՐՄԱՆ ԱՌԱՐԿԱՆ
Սույն օրենքը կարգավորում է արժեթղթերի շուկայում գործունեության կարգավորման կապակցությամբ ծագող հարաբերությունները և սահմանում է`
ա) Հայաստանի Հանրապետության տարածքում արժեթղթերի թողարկման, տեղաբաշխման և հրապարակային առուվաճառքի կարգը.
բ) հաշվետու թողարկողի գործունեության, հաշվետվությունների հրապարակման, հաշվետու թողարկողի ղեկավարների և բաժնային արժեթղթերի խոշոր սեփականատերերի հաշվետվությունների ներկայացման կարգը.
գ) արժեթղթերի շուկայում մասնագիտացված գործունեության իրականացման կարգը.
դ) ինքնակարգավորվող կազմակերպությունների ստեղծման և գործունեության կարգը.
ե) Հայաստանի Հանրապետության արժեթղթերի հանձնաժողովի ձևավորման և գործունեության կարգը, ինչպես նաև արժեթղթերի շուկայի կարգավորման բնագավառում նրա իրավասությունները և պարտականությունները.
զ) արժեթղթերի շուկայում գործունեություն իրականացնող անձանց պատասխանատվությունը` օրենքի և այլ իրավական ակտերի խախտման համար: