Հոդված 29. ՀԱՆՁՆԱԺՈՂՈՎԻ ԻՐԱՎԱՍՈՒԹՅՈՒՆՆ ԱՐՏԱԿԱՐԳ ԻՐԱՎԻՃԱԿՈՒՄ

Հոդված 29. ՀԱՆՁՆԱԺՈՂՈՎԻ ԻՐԱՎԱՍՈՒԹՅՈՒՆՆ ԱՐՏԱԿԱՐԳ ԻՐԱՎԻՃԱԿՈՒՄ

1. Արտակարգ իրավիճակում Հանձնաժողովն իրավունք ունի պարզեցված կարգով իր որոշմամբ փոփոխել կամ լրացնել գործող պահանջները, լրացուցիչ սահմանափակումներ կամ պահանջներ սահմանել Հանձնաժողովի կամ որևէ ինքնակարգավորվող կազմակերպության կարգավորմանը վերապահված բնագավառում կամ հարցում, նպատակ ունենալով`

ա) պահպանել կամ վերականգնել արժեթղթերի շուկայի կանոնավոր գործունեությունը, կամ

բ) երաշխավորել արժեթղթերով կատարվող գործարքների վճարահաշվարկային համակարգի և դրա միջոցով իրականացվող վերջնահաշվարկների արագությունը, անվտանգությունը և ճշգրտությունը:

2. Հանձնաժողովի նման որոշումը հրապարակվում և ուժի մեջ է մտնում հրապարակման կամ իր կողմից սահմանված օրը` 10 աշխատանքային օրը չգերազանցող ժամկետով (ներառյալ` երկարաձգումները):

3. Սույն հոդվածի իմաստով` արտակարգ իրավիճակը շուկայի ծավալուն ցնցումն է, ճգնաժամը կամ դրա ակնհայտ սպառնալիքը, որն արտահայտվում է`

ա) արժեթղթերի սովորական գների համատարած և շուկայի կանոնավոր գործունեությունը վտանգող կտրուկ և նշանակալից տատանումներով կամ դրանց ակնհայտ սպառնալիքով, կամ

բ) արժեթղթերով կատարվող գործարքների վճարահաշվարկային համակարգի անվտանգ և արդյունավետ գործողության նշանակալից խափանմամբ կամ դրա ակնհայտ սպառնալիքով: