Հոդված 38. Հաշվետվությունների հրապարակայնությունը
Հոդված 38. Հաշվետվությունների հրապարակայնությունը
1. Հանձնաժողովը պարտավոր է իր որոշումներով սահմանված կարգով հասարակության համար մատչելի դարձնել սույն օրենքի 31, 34, 35, 36 և 37 հոդվածներով սահմանված տեղեկությունները, փաստաթղթերը, հաշվետվություններն ու հայտարարագրերը:
Հանձնաժողովը, ֆոնդային բորսան և թողարկողը պարտավոր են ցանկացած անձի պահանջով տրամադրել վերոհիշյալ տեղեկությունների, փաստաթղթերի, հաշվետվությունների ու հայտարարագրերի պատճենները` գանձելով պատճենահանման ծախսերը: Պետական մարմիններին դրանք տրվում են անվճար:
2. Հանձնաժողովն իրավունք ունի սույն հոդվածի 1-ին կետով սահմանված պարտականությունը ֆոնդային բորսայի կամ թողարկողի կողմից չկատարելու դեպքում դատական կարգով կիրառել տուգանք` նվազագույն աշխատավարձի հազարապատիկի չափով: Հանձնաժողովի համապատասխան պաշտոնատար անձինք (բացի Հանձնաժողովի անդամներից) սույն հոդվածի 1-ին կետով սահմանված պարտականությունը չկատարելու համար կրում են կարգապահական պատասխանատվություն` ընդհուպ աշխատանքից հեռացնելը:
3. Սույն օրենքի 31, 34, 35, 36 և 37 հոդվածներով սահմանված իր իրավասություններն իրականացնելիս Հանձնաժողովը պետք է ներդրողների շահերի պաշտպանության նպատակով անհրաժեշտ միջոցներ ձեռնարկի`
ա) արժեթղթերի սեփականատերերի հայտարարագրման կենտրոնացված տեղեկատվական համակարգի ձևավորման, և
բ) հայտարարագրելու (հաշվետվություններ ներկայացնելու) պարտավորության անհարկի կրկնությունները բացառելու և սույն օրենքի ու դրան համապատասխան ընդունված այլ իրավական ակտերի պահանջների կատարման բեռը թեթևացնելու համար: