Հոդված 404. ՊԱՅՄԱՆԱԳՐԻ ԴԱԴԱՐՈՒՄԸ
Հոդված 404. ՊԱՅՄԱՆԱԳՐԻ ԴԱԴԱՐՈՒՄԸ
Հանձնարարության պայմանագիրը դադարում է, բացի պարտավորությունների դադարման ընդհանուր հիմքերից, նաև`
1) փոխանորդյալի կողմից այն լուծվելու հետևանքով.
2) փոխանորդի հրաժարվելու դեպքում.
3) պայմանագրին մասնակից քաղաքացու մահվան, նրան անգործունակ, սահմանափակ գործունակ կամ անհայտ բացակայող ճանաչելու հետևանքով.
4) իրավաբանական անձի լուծարման հետևանքով:
Փոխանորդյալն իրավունք ունի ուզած ժամանակ վերացնելու հանձնարարությունը, իսկ փոխանորդը` հրաժարվելու նրանից: Անվավեր է այդ իրավունքից հրաժարվելու վերաբերյալ համաձայնությունը:
Եթե փոխանորդը պայմանագրից հրաժարվել է այնպիսի պայմաններում, երբ փոխանորդյալը զրկված է իր շահերն այլ կերպ ապահովելու հնարավորությունից, ապա փոխանորդը պարտավոր է հատուցել պայմանագրի դադարմամբ պատճառած վնասները: