Հոդված 320. ԲՈՂՈՔՆԵՐԸ ՔՆՆՈՂ ԴԱՏԱՐԱՆՆԵՐԸ
Հոդված 320. ԲՈՂՈՔՆԵՐԸ ՔՆՆՈՂ ԴԱՏԱՐԱՆՆԵՐԸ
Հայաստանի Հանրապետության գերագույն դատարանի քաղաքացիական գործերի դատական կոլեգիան գործերը քննության է առնում շրջանային (քաղաքային) ժողովրդական դատարանների օրինական ուժի մեջ մտած վճիռների և որոշումների դեմ բերված բողոքների հիման վրա, եթե այդ գործերը վճռաբեկ քննարկման առարկա չեն եղել Հայաստանի Հանրապետության գերագույն դատարանում:
Հայաստանի Հանրապետության գերագույն դատարանի նախագահությունը գործերը քննության է առնում Հայաստանի Հանրապետության գերագույն դատարանի քաղաքացիական գործերի դատական կոլեգիայի վճիռների և որոշումների դեմ բերված բողոքների հիման վրա:
Հայաստանի Հանրապետության գերագույն դատարանի պլենումը գործերը քննության է առնում Հայաստանի Հանրապետության գերագույն դատարանի նախագահության որոշումների դեմ բերված բողոքների հիման վրա: